નિ:સ્વાર્થ
નિ:સ્વાર્થ
1 min
2.7K
સ્વાર્થભરી દુનિયામાં,
નિ:સ્વાર્થ નિભાવી શકે,
એવા સંબંધ ક્યાંથી લાવું ?
હોડ જામી છે દોડવાની,
હાથ પકડી ચાલી શકે,
એવો હમસફર ક્યાંથી લાવું ?
માણસાઈ મરી પરવારી ત્યાં,
લાગણી સમજી શકે,
એવી માનવતા ક્યાંથી લાવું ?
સાચા ઓછા ને બનાવટી ઝાઝા,
મારા કહી શકું,
એવા સ્વજનનોને ક્યાંથી લાવું ?
મળે છે દર્દ મફતમાં અહીં,
મૂલ્ય ચૂકવતા ખરીદી શકું,
પ્રેમ એવો હું ક્યાંથી લાવું ?
ખબર હોય તમને તો કહેજો વ્હાલા,
કહ્યા વગર સમજી જાય,
એવી આત્મીયતા ક્યાંથી લાવું ?