બજારમાં
બજારમાં
મફલર ગળામાં નાખીને
નિકળ્યા અમે બજારમાં
એક સુંદર નાર જોઈને
પિગળ્યા અમે બજારમાં
મોઢા પર સ્કાર્ફ બાંધીને
ફરતા'તા એ બજારમાં
ચહેરો ઢાંકીને બૈચેન મને
કરતા'તા એ બજારમાં
કાળા ચશ્માં પહેરીને
જોતા'તા એ બજારમાં
આંખોને છુપાવી મને
જોતા'તા એ બજારમાં
મોબાઈલ હાથમાં લઈને
ચાલતા'તા એ બજારમાં
ચેટિંગ મિટીંગની ચાહમાં
મચલતા'તા એ બજારમાં
પાણીપુરીની લારી
અમે નાખી એ બજારમાં
બાજુમાં બ્યુટી શોપ પણ
અમે નાખી એ બજારમાં
થોડા દિવસ પછી રહીને
એ આવ્યા એ બજારમાં
માથે ગમછો બાંધીને
અમે હતા એ બજારમાં
સ્કાર્ફ એમણે હટાવી દીધો,
ભર્યા એ બજારમાં
ચહેરાનો દિદાર કરીને
અમે મર્યા એ બજારમાં
એ હસીન ચહેરો જોઈને ,
થયા દિવાના અમે બજારમાં
નશિલી આંખો જોઈને,
થયા મસ્તાના અમે બજારમાં
અમને દુર્લક્ષ કરીને
એ વધ્યા આગળ બજારમાં
અમે લારી બંધ કરીને
ખસ્યા આગળ એ બજારમાં
આજકાલ એમનાં ચર્ચા
ચાલી રહ્યા એ બજારમાં
દિવાનાઓ એમને જોવા
આવી રહ્યા એ બજારમાં
કહે છે કાલ્પનિક આપને
'ન જાશે તમે બજારમાં'
દિવાનાઓ માટે ફરમાન છે ,
'ન આવશો તમે બજારમાં'