વાઇરસ
વાઇરસ
ચાવ-ચાવ નામનો વાઈરસ,
લેપટૉપમાં ક્યાંકથી આવી ગયો,
મારા સેવ કરેલા ડેટાને,
એ છાનોમાનો ચાવી ગયો.
મારી રચિત કવિતાનો ડેટા,
શાયદ એને બહુ ભાવી ગયો,
એક-એક અક્ષર કરીને એ,
મારી કવિતાઓ ચાવી ગયો.
એ વાઇરસ કંન્ટ્રોલ કરવા,
ઇંજીનેર સત્વરે આવી ગયો,
વાઈરસ ના લાગે એવો એક,
સોફ્ટવેર પોતે લગાવી ગયો.
વાઇરસ નથી એ રાક્ષસ છે,
એ સોફ્ટવેરને પણ ચાવી ગયો,
ઓડકાર લીધા વીના એ ભુખ્ખડ,
એ તમામ ડેટા પચાવી ગયો.
જ્યારે હાર્ડ ડિસ્ક ફોર્મેટ મારી,
એ રાક્ષસ ત્યાંથી ભાગી ગયો,
જ્યારે બેકઅપ મે રિસ્ટોર કર્યો,
હાશ ! ડેટા પાછો આવી ગયો.