મજા છે
મજા છે
1 min
6.7K
દર્દ મારા આંખ બોલે, બોલવાની એ મજા છે,
પ્રેમ મારો આજ બોલે, ચાહવાની એ મજા છે.
ના હસુ છું ના રડું છું, ને જીવનને આમ જીવું;
ખુદ જ ખૂણામાં રહીને, જીવવાની એ મજા છે.
ચાલ છોડી પગ વિના ને હાથ મારા જો કપાણાં
આમ ઈશ્વરને દિલોમાં, શોધવાની એ મજા છે.
ચાખવાની છે મજા તો ચાખજે આંસુ નયનનાં,
દર્દ ચાખી લે હવે બસ, ચાખવાની એ મજા છે.
ઘા ઘણા લાગ્યા મને એ પ્રેમમાં સૌથી વધારે;
આમ દર્દોને સહીને, પામવાની એ મજા છે.