ઇ તો મેહૂલિયો ...

પહેલાં ફોરાંમાં ભીંજાણી
      વાતુ  વાયુમાં   વિંજાણી
ઓલી વાદલડી  હરખાણી
      પ્રીત્યુ  પ્રિતમની પરખાણી
ઇ તો મેહુલીયો...આ તો મેહુલીયો...

  કાંઠે કાંઠે  વહેતી  વહેતી
      નજરું બાંધી અમે સમેટી
ઝબકી વિજળી પણ શરમાણી
          ઊઁચે  આભે  જઈ  પથરાણી
ઇ તો મેહુલીયો...આ તો મેહુલીયો...

 ચમકે પાલવનો ચમકારો
      ઘમકે  ઘુઘરીનો ઘમકારો
મનમાં   મોતીડે    રંગાણી
           અડધી  રાતે  ઇ સમજાણી
ઇ તો મેહુલીયો...આ તો મેહુલીયો...

 સૂરજ  ઉગ્યો  આજે વહેલો
      આવ્યો તેજ લિસોટો પહેલો
અડધી   રાતે  હું  મુંજાણી
            વેણું  નાદે   હું  બંધાણી
ઇ તો મેહુલીયો...આ તો મેહુલીયો