જીવન જીવી જવાના
જીવન જીવી જવાના
1 min
14.1K
જીવન મળ્યું છે મોંઘુ, જીવન જીવી જવાના
દુર્ગમ પહાડો વચ્ચે, રસ્તો કરી જવાના
સાહસ ગમે છે અમને, સાહસ કરી જવાના
લાખો હશે હિમાલય, અમે સર કરી જવાના
હસતા જીવાય એવું, અમે જીવી જવાના
નૌકા વગર સરિતા, સુખે તરી જવાના
લાખો પડે મુસીબત, અમે ઝીલી જવાના
વટથી કહું છું રણમાં, અમે ખીલી જવાના
જીવનની રણભુમિમાં, અમે લડી જવાના
દિલ થઈ કહું છું મિત્રો, શત્રુ ઢળી જવાના
હરીફોનાં વૃંદ વચ્ચે જુદા તરી જવાના
ટક્કરમાં એ અમારી, નક્કી મરી જવાના
સત્ય છે એ સનાતન, અહીંથી જરૂર જવાના
લાંખો હ્ર્દયમાં સહેજ, અમે ઘર કરી જવાના.