"મર્દના આંસુ " (હાઇકુ )
"મર્દના આંસુ " (હાઇકુ )
" રૂમાલ સ્ત્રીનાં
આંસુ પોંછે ,ઓશીકું
પોંછે મર્દનાં !! "
વિશ્લેષણ :-
સ્ત્રી સ્વભાવે કોમળ હોય છે. વાતવાતમાં
તેની આંખોમાં આંસુ આવી જતા હોય તે
સ્વાભાવિક છે. જ્યારે પુરુષ ?
પુરુષ સ્વભાવે કઠોર હોય છે.તે રડે નહીં,પણ સૌને રડાવે ! તેની આંખોમાં આંસુ ભાગ્યે જ જોવા મળે !
અને એટલે જ કોઈ પુરુષ જયારે રડે ત્યારે, કોઈને તે જોવું ગમતું નથી !
ગમે તેવી ગંભીર પરિસ્થિતિ હોય, પુરુષ
પોતાનું ધૈર્ય ખોતો નથી.પોતાના આંસુઓને છુપાવી રાખે છે.
ભલે પછી રાત્રીના એકાંતમાં, માં ની ગોદને યાદ કરીને, તકીયામાં મોં છુપાવીને તે રડી લેતો હોય !
કારણ કે તે જાણે છે કે જો તે રડશે તો બધાની હિંમત ભાંગી જશે અને સૌ સાથે રડવા લાગશે!
એટલે જ
માં જો રડે, મળીને સૌ સાંત્વના આપે ! બાપ જો રડે, સાથે સૌ રડે, કોણ કોને સાંત્વના આપે !!