ન પૂછો તમે

આંખને ખાર છે કેટલો એ ન પૂછો તમે,

પાંપણે ભાર છે કેટલો એ ન પૂછો તમે.

જે હશે એ પછી આવશે ને જશે સ્વપ્નમાં,

યાદનો માર છે કેટલો એ ન પૂછો તમે.

કેટલું વસમુ લાગે હૃદયને કહી ના શકું,

ભીતરે વાર છે કેટલો એ ન પૂછો તમે,

પ્રેમનું ઠામ ભૂલી જશે આ જમાનો અહીં,

લાગણી બહાર છે કેટલો એ ન પૂછો તમે.

ના મળે દર્દ કિંમત ખુશીની ક્યાં કોઈ કરે,

જાતનો સાર છે કેટલો એ ન પૂછો તમે.

ખોબલા જેટલી પાળમાં ડૂબશે કેટલાં ?

આંસુનો પાર છે કેટલો એ ન પૂછો તમે.