હરિ તું આવજે
હરિ તું આવજે
1 min
6.8K
આજે સૂનું સૂનું લાગે છે આંગણું હરિ તું આવજે.
તારા વિયોગે દિવસોને હું તો ગણું હરિ તું આવજે.
હું ગોપીને તું કહાન એ રહી જુગજુગની અમીરાત,
કહેવાનું છે હરિવર તને ઘણું ઘણું હરિ તું આવજે.
મારાં નયન તારાં નયન વચ્ચે જ્વનિકા થૈ ગૈ માયા,
તુજવિણ ષડરિપુને હું કેમ રે હણું હરિ તું આવજે.
ઝંખના ઉરની પ્રતિપળ બની બળવત્તરને પોકારતી
તવાગમન કાજે આવ્યું ઉચિત ટાણું હરિ તું આવજે.