એ બધા સાથેજ ને ?

પીઠ પર ઘા મારવામાં તે બધા સાથે જ ને ?

'બ્રુટ્સ યુ..?' બોલાવવામાં તે બધાં સાથે જ ને ?

કર ઝડપ તું ઉડવામાં લોક સૌ ભેગા થયાં,

પાંખ તારી કાપવામાં તે બધાં સાથે જ ને ?

હાસ્યનું મહોરું અમે પહેરી લીધું છે, જોઈ લો ,

આંસુને શણગારવામાં તે બધા સાથે જ ને ?

આંખથી તેઓ કરે છે મોત જેવો વાર ને

'ખૂબ વાગ્યું ? ' પૂછવામાં તે બધા સાથે જ ને ?

સરહદેથી આવ્યો તિરંગામાં લપેટાઈને જે

મોત પહેલા મારવામાં તે બધા સાથે જ ને ?