ડીમલાઇટ
ડીમલાઇટ
મૃત શબની જેમ જ મારું શરીર ચૂંથાતુ..
અેકાંતરે... !
અેની ખરબચડી હથેળી સ્પર્શતી મને વાગતી ખરબચડી ચામડી
હથેળીની..
ને કયારેક
મારા અંગ-ઉપાંગને છોલતી લોહીની ટશરોય ફૂટતી...
હું લાચાર બની કણસતી રહેતી,
મારું શરીર ટેવાઈ ગયું હતું
આ પ્રહારોથી
અેના પરસેવાની દુર્ગંધ આવતી
મારી વિવશતાની સાક્ષી મારી રજાઈ ને નાની બત્તી
અે પણ કરે શું ?
અેતો પડખું ફેરવી સૂઈ જતો,
અેના નસકોરા અોરડામાં પડઘાતાં..
હું છતને તાકતી પડી રહેતી અેમ જ
વિવશ...
વ્યર્થ પ્રયત્નો કરતી સ્પર્શને મિટાવવાનો
મખમલી રજાઈ અોઢીને
લાલ તો કયારેક પીળી બત્તી
ડીમલાઇટ
જોતી અેકાંતરે મને
અર્ધ-નગ્ન લાચાર કણસતી
અેકલીને