Harsh Bhrambhatt

Others


4  

Harsh Bhrambhatt

Others


કોઈ ફિકર

કોઈ ફિકર

1 min 13.6K 1 min 13.6K

હરપળે સૌ ભાવની ને તાલની કોઈ ફિકર,
માત્ર ન્હોતી મોતના કૈં ખ્યાલની કોઈ ફિકર.

ચાલચલગત પર બીજાની ચાંપતી રાખી નજર,
કાશ રાખી હોત ખુદની ચાલની કોઈ ફિકર.

કોઈ અવગણના નથી પણ કોઈ સુખદુઃખમાં કદી,
કોઈ ક્યાં કરતું જગતમાં ઢાલની કોઈ ફિકર.

કોઈ સંભાળ્યા કરે છે હર કદમ હર શ્વાસ પર,
એટલે ન્હોતી કદીયે હાલની કોઈ ફિકર.

ઉડતાં ગાતાં રહી ખપ પૂરતું ચણતાં રહ્યા,
કોઈ પંખીને હતી ક્યાં કાલની કોઈ ફિકર.


Rate this content
Originality
Flow
Language
Cover Design