Quotes New

Audio

Forum

Read

Contests


Write

Sign in
Wohoo!,
Dear user,
ઓછા પડ્યા
ઓછા પડ્યા
★★★★★

© Vijay Jadav

Inspirational Others

1 Minutes   13.7K    3


Content Ranking

મ્હેમાન આવ્યા તો ખાટલા ઓછા પડ્યા,

પાણીનાં પણ જોને માટલાં ઓછાં પડ્યાં.

ભોજન બનાવ્યું તું નોખનોખી જાતનું,

બેઠા જ્યા પીરસવા વાટકા ઓછા પડ્યા.

પ્હેલાં હતાં ઘર ઘર કૈંક વૃક્ષો 'ને હવે?

માણસ મર્યા ત્યારે લાકડાં ઓછાં પડ્યાં.

મદિરા ય પણ દોસ્તો છે મજાની ચીજ હો,

પીવા શું બેઠા! તો બાટલા ઓછા પડ્યા.

વાતો બહેનોની ક્યાં ખતમ થાયે છે જટ,

બેઠી મળી વાતે પાટલા ઓછા પડ્યા.

ગણિતને તો અઘરું માનતો'તો પે'લાં હું,

પણ આવડ્યું ત્યારે દાખલા ઓછા પડ્યા.

છે માણસાઈ ખલ્લાસ થઈ માણસ મહીં,

નહિ તો બને નહિ કે આશરા ઓછા પડ્યા.

દિલને દિલાસાઓ તો મળ્યા'તા ખૂબ, પણ-

અફસોસ કે એમાં આપણા ઓછા પડ્યા.

વરસાદ પાછી પાની કરે છે ને 'વિજય' !

શાયદ હવે એને ઝાડવાં ઓછાં પડ્યાં.

ઘર મ્હેમાન ખાટલા મદિરા માણસાઈ ગણિત ઝાંઝવાં ઓછાં ગઝલ

Rate the content


Originality
Flow
Language
Cover design

Comments

Post

Some text some message..