Quotes New

Audio

Forum

Read

Contests


Write

Sign in
Wohoo!,
Dear user,
દાદાજીના દેશમાં
દાદાજીના દેશમાં
★★★★★

© Zaverchand Meghani

Classics

1 Minutes   1    1


Content Ranking

હાં રે બેની ! હાલો દાદાજીના દેશમાં

પ્રેમસાગર પરભુજીના દેશમાં - હાં રે૦

મધુર મધુર પવન વાય

નદી ગીતો કૈં ગાય

હસી હોડી વહી જાય

મારા માલિક રાજાજીના દેશમાં - હાં રે૦

સાત દરિયા વીંધીને વ્હાણ હાલશે,

નાગ-કન્યાના મ્હેલ રૂડા આવશે,

એની આંખોમાં મોતી ઝરતાં હશે !

હાં રે બેની ! હાલો મોતીડાંના દેશમાં - હાં રે૦

સાત વાદળ વીંધીને વ્હાણ લઈ જશું,

ત્રીશ કોટિ તારાની સાથ ખેલશું,

ચંદ્ર સૂરજ ખીસામાં ચાર મેલશું !

હાં રે સખી ! હાલો, ચાંદરડાના દેશમાં - હાં રે૦

સમી સાંજે દાદાને દેશ પહોંચશું,

એના પાંખાળા ઘોડા ખેલાવશું,

પછી પરીઓને ખોળે પોઢી જશું !

હાં રે બેની ! હાલો એ પરીઓના દેશમાં - હાં રે૦

ભલે હોય ઘણું તાણ

ભલે ઉઠે તોફાન

આજ બનશું બેભાન

થવા દાખલ દાદાજીના દેશમાં !

હાં રે સખી ! હાલો દાદાજીના દેશમાં

પ્રેમસાગર પરભુજીના દેશમાં - હાં રે૦

દેશ દાદાજી બેની ઝવેરચંદ મેઘાણી old classic

Rate the content


Originality
Flow
Language
Cover design

Comments

Post

Some text some message..