એ છે દોસ્તી..!
એ છે દોસ્તી..!
ક્યારેક કોઈને મળવાનું થાય મન તો ,
ક્યારેક કોઈને યાદ કરીને રડે આ મન..
જૂની યાદોમાં ખોવાઈ જઈને ,
જો આંખોથી ખરે આંસુ, તો એ છે દોસ્તી..!
ક્યારેક દિલને બહુ સૂનું-સૂનું લાગે,
તો ક્યારેક મુશ્કેલીને લીધે હારે જો દિલ;
એવા સમયે કોઈનો મળે જો સાથ અને;
"હું છું ને !" કહી કોઈ રાખે ખભા પર હાથ, તો એ છે દોસ્તી..!
ક્યારેક ખુશીઓ ખરી પડે ચહેરા પરથી,
તો ક્યારેક વિચારોના વંટોળથી મન બને અશાંત,
ઉદાસીની રેખાને જો વાંચી જાણે કોઈ અને,
સ્વાર્થ વિના જ્યાં ઉડે ખુશીઓના રંગ, તો એ છે દોસ્તી..!
નિશ્ચેત જ્યાં હોય હોઠ છતાય;
કહ્યા વિના પણ સાંભળી જાય દિલની વાત,
મનના સુકા રણમાં વરસે પ્રેમ પારાવાર 'ને જ્યાં,
વિશ્વાસના તાંતણે બંધાયેલો હોય જો સબંધ, તો એ છે દોસ્તી..!