સતના શ્વાસે

અંતરનું અંધારું શાને એકલ પંડે ભાગે,

કાઈ નહીં એ શ્વાસ સતનો થોડો થોડો માંગે.

શાને બાધ્યા જાતે બંધન જીવન ખાલી માટી,

કોના માટે પાપો કેરી મ્હેદી ઘાટી વાટી.

ઉરના છૂટા શ્વાસો ગૂન્થે, આતમ કેરા ધાગે,

અંતરનું અંધારું શાને એકલ પંડે ભાગે.

કરજો એવા કરમો જેમાં દ્વેષ ના હો લવલેશ,

આતમ સાથે કરી દોસતી કર ના ખોટા ક્લેશ.

આટી ઘૂંટી તોડી જોને જીવડો કેવો જાગે,

અંતરનું અંધારું શાને એકલ પંડે ભાગે.

આજ કાલમાં આવી જાશે જાવા કેરું ટાણું,

આવીને એ ન સાભળશે તારું મારું ગાણું.

સતની વેળા વળતાં સૌનું જીવન થાશે રાગે,

અંતરનું અંધારું શાને એકલ પંડે ભાગે.