Quotes New

Audio

Forum

Read

Contests


Write

Sign in
Wohoo!,
Dear user,
રહ્યા છે રસ્તા
રહ્યા છે રસ્તા
★★★★★

© Parul Khakhar

Others

1 Minutes   13.7K    6


Content Ranking

લાલચ બતાવી સૌને તાગી રહ્યા છે રસ્તા,
છે કેટલું મનોબળ માપી રહ્યા છે રસ્તા.

બસ ઝાંઝવાને કાજે વણથંભી જાતરા છે,
જાણે છતા અવિરત ચાલી રહ્યા છે રસ્તા.

ખુદને કરે સવાલો ને ખુદ ગળે જવાબો,
ના જાણે કેમ ખુદથી નાસી રહ્યા છે રસ્તા.

કેવા શુકનમાં પહેલું પગલું ભર્યુ હશે કે,
મંઝિલ નથી મળી પણ હાંફી રહ્યા છે રસ્તા.

છે થાક ને તરસનો સંયોગ કુંડળીમાં,
બિલ્લોરી કાચ લઇને ભાખી રહ્યા છે રસ્તા.

કાંટા ને કાંકરા દે, ખાડા ને ઠોકરો દે,
લટકામાં દઈ વળાંકો ડારી રહ્યા છે રસ્તા.

હરએક નામધારીનો નાશ છે પરંતુ,
ખુદના અમરપટાથી થાકી રહ્યા છે રસ્તા.

ગઝલ

Rate the content


Originality
Flow
Language
Cover design

Comments

Post

Some text some message..