બનીશ શિક્ષક
બનીશ શિક્ષક
1 min
498
પ્રેમથકી હું પાઠ ભણાવું,
સ્નેહથી સૌને સમજાવું,
ભલેને રહ્યો હું સાવ નાનો,
હું બનીશ શિક્ષક મઝાનો.
જ્ઞાન સાથે ગમ્મત જોડું,
રોજરોજ સમજાવું થોડું,
પછી આવે કંટાળો શાનો ?
હું બનીશ શિક્ષક મઝાનો.
સંપથી રહેતાં શીખડાવું,
પ્રાર્થના સંગે ગીત ગવડાવું.
પાઠ ભણાવીશ એકતાનો,
બનીશ શિક્ષક મઝાનો.
સજા ન હોય મારા વિચારે,
પ્રેમ-ભાવ તણા સથવારે.
મને ગમે ન દિવસ રજાનો,
હું બનીશ શિક્ષક મઝાનો.