મોતનો પણ...
મોતનો પણ...
1 min
13.9K
મોતનો પણ એક મોભો હોય છે .*
કેવા કેવા સૌ રિવાજો હોય છે ?
જે અહિયાં મોતને જીતી ગયા;
એમનો નોખો જ ચોકો હોય છે .
કાંધે કાંધે આ જનાજો જ્યાં ગયો;
માર્ગ મસ્જીદનો ય રોતો હોય છે.
કેટલું અઘરું ગણિત છે મોતનું ?
સાચો ઉત્તર પ્રશ્ન ખોટો હોય છે.
તું વચન ને પાળતા ખોટો પડે;
મોત વેળાએ તું થોડો હોય છે?
તું તરસની વાત સાંભળતી નથી
રોજ જાણે તારે રોજો હોય છે
જાય છે જીવી મરી ને પણ “દિલીપ”;
બાકી તો દીવાલે ફોટો હોય છે.