વિશ્વના પ્રવાસી
વિશ્વના પ્રવાસી
1 min
6.8K
બેસી ગયાં છે ભીતર જે બારણાંથી ત્રાસી;
એવાં યે આપણામાં છે વિશ્વના પ્રવાસી.
સંચાર સંતુલન છે એવું ય જેઓ જાણે;
એ આંખથી જ બોલી ચિંધે અસલ અગાસી.
આકારમાં અનલહક સ્વીકારમાં સહજ હો,
જીવી સહજ જે જાણે વાસ્તવનો એ ખલાસી.
દિવસે હૂંફાળાં લાગે ને રાત્રિએ સલામત,
શ્વાસો ય મિત્ર સરખા આઠે પ્રહર ઉદાસી.
બેસો તો બેસવા દે, ઊંઘો તો ઊઘવા દે,
જાગો તો જાગવા દે એવી જગ્યા ય ખાસ્સી!