ઊડાન

ખુલ્લુ ને કોરું આકાશ આપું છું.

તને ઉડવા નવી પાંખો આપું છું.

આ આખું આકાશ તારું જ છે,

લગાવ ઉડાન અને બાથ ભર આ વિશ્વની...

તને આજે આ ચાહમાં સાથ આપું છું.

ઊંચા હિમાલય ને અડી આવ,

ઊંડા સાગરમાં જઈ મોતી વીણી લાવ...

તને આ પ્રણમાં મારો શ્વાસ આપું છું.

કદી અટકીશ નહીં, કદી ઝુકીશ નહીં,

તારા સપનાને જીવવાનું છોડીશ નહીં...

તને આ વાતનું આજે પ્રમાણ આપું છું.

તું જ અર્જુન છે તારું લક્ષ્ય સાધ,

જરુર આવે તું જ તારો કૃષ્ણ બન...

તને એ વાતનો ખાસ અહેસાસ આપું છું.

ખુલ્લુ ને કોરું આકાશ આપું છું.

તને પગરવની રવ ખાસ આપું છું.