મને ગમે છે
મને ગમે છે
વરસતાં ધીમા વરસાદ માં આંખો બંધ કરી ને તરબોળ થવાનો આનંદ મને ગમે છે !
હૃદયની ભાવનાઓને પ્રદર્શિત કરવાનો સરસ મઝાનો આ સમય મને ગમે છે!
વીતી ગયેલા દુઃખોને ભૂલીને, આવનારા સુખોને આવકારવાની આતુરતા મને ગમે છે!
તો ખુલ્લા આકાશની નીચે , તારલાઓની ચાદર ઓઢીને પોઢી જવું પણ મને ગમે છે!
સવાર ના આછા તડકામાં મંદ મંદ પવનની હલકી
થપાટોથી નિંદ્રાનો ભંગ થવો ગમે છે!
અને એક ટૂંકી નિંદ્રા જો આટલી આહલાદક હોય,
તો ગાઢ નિંદ્રા કેવી હશે તેની કલ્પનામાં પણ સરી
જવું મને ગમે છે!