ચોરીને ગયાં છે
ચોરીને ગયાં છે
1 min
7.0K
દિલ અમારું એ ચોરીને ગયાં છે
'આવીશ પાછી' કહીને ગયાં છે
ગાયા કરીએ જીવનભર એવાં
ગીતો પ્રેમનાં ગાઈને ગયાં છે
થાય મન મમળાવાનું રોજ જેને
વહાલ એવું કરીને ગયાં છે
હતાં ખુશ બન્ને અમે એકબીજાથી
એવું નથી કે રિસાઈને ગયાં છે
કરતાં હતાં પ્યાર અમોને અસીમ
એમ તો અમારાં થઈને ગયાં છે
સદાય સાથે છે દિલમાં અમારા તે
સાથે રહેવાના કોલ દઈને ગયાં છે
યાદો બની છે સહારો હવે 'જશ'
બીજું બધુંતો એ લઈને ગયાં છે