Mukesh Jogi

Others


Mukesh Jogi

Others


જેવી છે એવી મારી બાની છે

જેવી છે એવી મારી બાની છે

1 min 13.1K 1 min 13.1K

જેવી છે એવી મારી બાની છે,

સાવ સીધી સરળ કહાની છે,


રોજ અફળાઉ છું કિનારા પર,

એક સાગર છું આ નિશાની છે,


એક ભૂખ્યો ટગર ટગર જુએ,

ચાંદ જાણે કે કોઈ વાની છે,


રાતને પણ કદીક ઉગવા દો,

આ રજૂઆત તો ઉષાની છે,


કૂંપળો જેવું કંઈક ફૂટે છે,

આપની આ મહેરબાની છે,


હાથની હાથ પર તહોમત છે,

આંગળીઓ ની એ જુબાની છે,


દર્દ જેવું કશું નથી "જોગી",

નામ એનું જ તો જવાની છે.


Rate this content
Originality
Flow
Language
Cover Design