હેતભીના ભાવ
હેતભીના ભાવ
1 min
13K
સાવ ઓછા થઇ ગયેલા ભાવને,
હોયજો કારણ અગર સમજાવ ને.
હેતભીના ભાવ સ્વીકારી પછી
તે હવે કે છે જરા શરમાવ ને
લો ઘણી વેઠી વિરહની વેદના
ખોતરો શાને વધારે ઘાવને
બારણે આવી ચડ્યા આશા ભર્યાં
તોલતા મનના બધા વર્તાવ ને.
તેમને મળવુ હવે સ્હેલું નથી
જોઇલો મુંછે ચડેલા તાવને
છે ભરોસો કામ ખોટું ના કરો
હાથ માથે દઇ કસમ ના ખાવ ને
આજ માસૂમ રાજ કાજે ચાલતું
હોવ ખોટા તોય સાચા થાવ ને.