દરિયામાં તોફાન
દરિયામાં તોફાન
હવાના હલેસે જીવન નાવ રાખું,
સવારી સૂરજની ને અજવાળું આખું.
ગૂંથી ભીતરે ઝંખનાઓની ચાદર,
નયનમાં છતાં કેમ દેખાય ઝાંખું ?
સમયના બધા પંખીઓ સાદ કરતાં,
મને જે મળે છે એ ટહુકાઓ ચાખું.
વળતો પવન છે ને વળતી દિશાઓ,
ચલો આજ દરિયામાં તોફાન નાખું.
ફુલોનાં બગીચે બસ તારી જ વાતો,
ઉડાઉડ કરતી ઉગે શબ્દ - પાંખું.
વહીને હું આવી છું નિર્મળ કિનારે,
ભરીને ભીતરમાં હરિ દ્વાર વાખું.