ગઝલ ગાલની

જો કરું ચુંબન શરમથી લાલ એનાં થાય ગાલ,

ના કરું ચુંબન તો ગુસ્સે લાલ પણ થઇ જાય ગાલ.

 

હાથ જયારે ફેરવું છું હું તમારા ગાલ પર,

કેમ મારા સ્પર્શથી તુજ સાથમાં શરમાય ગાલ

 

તું હસે ખળખળ કરી તો ગાલમાં ખાડા પડે,

એ વખતનું જો કહું તો, મસ્ત એ દેખાય ગાલ.

 

વાળની આ લટ તમારા ગાલને છે ચૂમતી,

જોઈ મનમાં થાય કે ચુંબન ભરી પીવાય ગાલ.

 

ગાલ "નિશા" આપનાં ચૂમવા ગઝલને હું લખું,

"મિત્ર" તારી વાતથી રંગો વિના રંગાય ગાલ.