Quotes New

Audio

Forum

Read

Contests


Write

Sign in
Wohoo!,
Dear user,
"મા"
"મા"
★★★★★

© Girish Solanki

Drama Abstract Others

1 Minutes   6.9K    5


Content Ranking

આજે કેટલા વર્ષો પછી
માનાં કપાળે હાથ ફેરવ્યો
નાનો હતો ત્યારે માના કપાળે હાથ ફેરવતો
ને ખૂબ વહાલ આવે તો કપાળે ને ગાલે બચીઓ ભરતો
માની આંગળી પકડીને આંગણામાં
સંતાકુકડી રમતો
ક્યારેક હું સંતાઈ જતો ને
મા મને શોધતી
ક્યારેક મા સંતાઈ જતી ને
ત્યારે.......
ત્યારે મને બહુ રડવું આવતું
ને મા દોડીને આવીને મને છાતી સરસો ચાંપી દેતી 
ને મારો બધ્ધો ડર હવામાં ક્યાંક ઓગળી જતો
જોકે સંતાકુકડીની રમત આજેય ચાલુ છે
પણ
ધીમે ધીમે એ આંગણું છૂટી ગયું હતું
પણ મા ત્યાં જ આંગણામાં ઊભી
રહી મારી રાહ જોઈ રહી હતી
સાચું કહું તો
માને પણ ડર લાગ્યો જ હશે
ને કદાચ માને રડવું પણ આવ્યું હશે
પણ હું એને છાતી સરસો ચાંપી શકું
એટલો નજીક હું હવે નોહ્તો 
પણ.....
આજે કેટલા વર્ષો પછી......
માના કપાળે હાથ ફેરવ્યો
છેલ્લીવાર
માના
અગ્નિદાહ વખતે…
ને માનો દેહ ભડ ભડ કરતો
હવામાં ક્યાંક ઓગળી રહ્યો હતો
મારા ડરની જેમ...

 

 

 

 

Mother કવિતા

Rate the content


Originality
Flow
Language
Cover design

Comments

Post

Some text some message..