હું છું ને છાની રહી જા..

હું તો જોતી જ રહી..

ને મારી જ નજર સમક્ષ..

મારાં જ અશ્રુઓનો હોજ છલકાતો રહ્યો..

 

અને એ...?

એ એટલે તું મારી મીઠી લાગણી..

'છાની રહી જા.. કહું છું ને છાની રહી જા..

અશ્રુ ત્યારે જ વહાવજે.. જયારે તું મારી બાથમાં હોઈશ..!

એમ મને કહેતો રહ્યો..

 

અને હું?

 

ફક્ત તારી ખુશી ખાતર.. દર્દ સંતાડી..

હસતી રહી.. સાવ ખોટે-ખોટું..!

અને તું મારું ખોટું હાસ્ય માણતાં કહેતો રહ્યો..

'કોણ જાણે કેમ.. પણ મારી 'મીઠી'ને..

વાતે-વાતે રડી પડવાનો ભારે શોખ..

 

અને મને..?

મને તો.. એને આંસુઓ સારતી.. હીંબકા ભરતી..

રડતાં-રડતાં લાલ-લાલ થાતી.. એને રોકવા..

લાડ લડાવવાનો ભારે શોખ..!

 

ટૂંકમાં કહું 'મીઠી'તો. તારાં 'સ્પર્શે.. સ્પર્શે..

મનેય લાલ-લાલ 'સ્પર્શ' પામવાનો ભારે શોખ..!