પ્રેમની પાંચ પંક્તિઓ
પ્રેમની પાંચ પંક્તિઓ
જીવનના આ પ્રકરણની નવેસરથી શરૂઆત કરવાનીછે,
મારે તો, જીવનની દરેક પળ તમારી સાથે જ વિતાવવાની છે.
સવારના ‘ગૂડ-મોર્નિંગ’ સાથે ચાની પ્યાલી ધરવાની છે,
'બ્રેકફાસ્ટ' સાથે ‘લંચબોક્ષ’ આપવાની ઉતાવળ રાખવાની છે,
આ સાથે જ ‘ડિનર’ના સાથની રાહ જોવાની છે,
મારે તો, જીવનની દરેક પળ તમારી સાથે જ વિતાવવાની છે.
દરવાજે ઉભા રહી ‘બાય-ડાર્લિંગ’ કહેવાની આદત પાડવાની છે,
તમારા ‘આઈ લવ યુ’ સાંભળવાની તલપ રાખવાની છે,
સાંભળતાજ ‘રિપ્લાય’માં ‘ફોરએવર’ કહેવાની તડપ રાખવાની છે,
મારે તો, જીવનની દરેક પળ તમારી સાથે જ વિતાવવાની છે.
મોટાનું માન અને નાનાનું ધ્યાન રાખી સંબંધોની ડોર કેળવવાની છે,
આ સાથે ઘરના કામ પતાવવાની ઝડપ રાખવાની છે,
કેમ કે, તમારા આવવાની રાહ પણ તો જોવાની છે,
મારે તો, જીવનની દરેક પળ તમારી સાથે જ વિતાવવાની છે.
આવતાની સાથે ‘બેગ’ લઈને ખબર પૂછવાની છે,
‘ડિનર’ સાથે સાસ-બહુ ‘સિરીયલ’ તો ‘ક્રિકેટ-મેચ’ જોવાની છે,
આખિરમાં પલંગ પર પ્રેમભરી વાતો કરવાની છે,
મારે તો, જીવનની દરેક પળ તમારી સાથે જ વિતાવવાની છે.
જીવનની દરેક મૂંઝવણ તમારી સાથે 'શેર' કરવાની છે,
દરેક સમસ્યા સાથે બેસીને ‘સોલ્વ’ કરવાની છે,
ના મારા ના તમારા, આપણા ઘરની વાતો કરવાની છે,
મારે તો, જીવનની દરેક પળ તમારી સાથે જ વિતાવવાની છે.
જીવનની અનોખી એક સાંજ મારા નામ કરાવવાની છે,
‘કેન્ડલ-લાઈટ ડિનર’ની ઇચ્છા જલ્દીથી પૂરી કરાવવાની છે,
ના માનતા આખરી, આ તો બસ શરૂઆત છે,
ઇચ્છાઓની શ્રેણી એક પછી એક મળતી જ રહેવાની છે.
મારે તો, જીવનની દરેક પળ તમારી સાથે જ વિતાવવાની છે.
મારે તો, જીવનની દરેક પળ તમારી સાથે જ વિતાવવાની છે.