બસમાં કસ

ધકા મૂકી કરતા બસમાં ચડાય છે,
મારી મારી કરતા સીટો રોકાય છે.

જગ્યા ના મળતા કચ કચ થાય છે,
પછી મોટા પાયે ડખા થાય છે...

કંડક્ટરનો મગજ ગરમ થાય છે,
પછી માંડમાંડ બધા શાંત થાય છે.

ખાડાખબડાવાળા રસ્તા પર બસ જાય છે,
ને બધા મુસાફિર ઊભા ઊભા ગોથા ખાય છે.

જગ્યા મળતા લાગે જંગ જીતી જાય છે,
કાનમાં ભૂંગરા ભરાવી પછી ઝોલા ખવાય છે.

આમ ને આમ માહોલ ઠંડો ગરમ થાય છે,
ને નીંદરમાં મુગ્ધ 'મુસાફિર' બીજા ગામ પોં'ચી જાય છે.