એકાંતમાં

જિંદગી જીવું  છું તારી યાદમાં,

ઘડિયાળ ઊંધી ફેરવી એકાંતમાં.

જઈ ચડ્યો છું ખુશીઓના બજારમાં,

દુ:ખોની હરાજી કરવા એકાંતમાં.

વીતાવેલી ક્ષણ, પળને આંખની મુલાકાત,

સઘળીયે વાત તારી યાદ આવે એકાંતમાં.

દીધા 'તા કૉલ ક્યારેક મળીશું આપણે,

વાટ જોઉં છું ચાતકની જેમ એકાંતમાં.

આ હૈયું, તન, મન ને આખીયે જિંદગી,

તારા કર્યા પછી સાચવું છું એકાંતમાં.

કેટલીયે પાનખર આવી મારા જીવનમાં,

હંમેશા ખીલ્યો છું વસંતની જેમ એકાંતમાં.