લય

દ્રષ્ટી લય કર્મ લય અહીં હર નિર્ણય લય,

છે શ્વાસ-ઉછ્વાસ ને હર કદમ જ્યાં લય.

લયની શું વાત કરું હર નિર્લયમાં ગોતું લય,

ના સમજ નહીં સમજે આ અસ્તિત્વની લય.

રવિ-શશી ને સિતરાય સમજે છે ઍની લય,

ને રત્નાકરની રવાની છે રમતિયાળ લય.

ટાઢ-તડકાને અનુસરે તરતજ ભીની લય,

નીરખે નયન આ મેઘ-ચાપ મહીં રંગાલય.

લય મય જીવન ચિન્મય ને હું ઍમા તન્મય,

નથી લય અમીમય તો તો છે ઍ પથ-પ્રલય.

લયમાં"પરમ"લીન હું લણું "પાગલ" પ્રભુ-લય,

આ લય મય જીવન જ જાણે શ્રેષ્ઠ કાર્યાલય.

મદિરાલયમાં પણ સાંપડી શિવાલયની લય,

જો દેવ મુજમાં વિલય તો હું જ અહીં દેવાલય.