જલન ચાલ્યા ગયા
જલન ચાલ્યા ગયા
1 min
13.6K
ગઝલનો ગઢ સૂનો મૂકી જલન ચાલ્યા ગયા,
ગઝલમાં બંદગી આપી,જલન ચાલ્યા ગયા.
કલેજે કોઈ ઠંડા શબ્દની સંવેદના મૂકી,
ને સૌને રાહને ચિંધી જલન ચાલ્યા ગયા.
મરણની ઠેસ લાગી કે જીવનની કળ વળી ?
કોઈને ક્યાં કાંઈ સમજાવી જલન ચાલ્યા ગયા.
ગઝલની આ સરિતા આપની વ્હેતી, હવે
નદી અધવચમાં છે ખૂટી જલન ચાલ્યા ગયા.
પીવાને ઝેર અહીં શંકર નહીં આવે હવે ?
પૂછું નત મસ્તકે ઝૂકી જલન ચાલ્યાં ગયા.