ઝળકી ગયું
ઝળકી ગયું
1 min
297
જો ને બની મનમોજી એ તો નીકળી ગયું,
મારું આંસુ આંખોમાં એવું તો ઝળકી ગયું.
ઘણુંય સમજાવ્યું હતું મારા હૃદયે એને,
તોય પ્રિતમને દ્વારે જોઈ એ પીગળી ગયું.
આંખોમાંથી શરૂ કરી એણે તો નવી યાત્રા, ગાલને સ્પર્શીને એના પરથી એ સરકી ગયું.
ગળે પહોંચતા તો સંયમનું પડ તૂટી ગયું.
ને જોઈને પ્રીતમનું હૃદય પણ પીગળી ગયું.
મનમોજી બનીને જોને કેવું કામ કરી ગયું,
મારા પ્રિતમ જોડે મેળાપ કરાવી ગમી ગયું.
અંતરની વાત એ મનમોજી બની કહી ગયું, મારું આંસુ આંખોમાં એવું તો ઝળકી ગયું.