મારા શબ્દો
મારા શબ્દો
શબ્દ બીજ આલેખે છે મારા શબ્દો,
એ જ મારી કવિતા.
વટવૃક્ષ બની વિસ્તરે, મારા શબ્દો
એ જ મારી કવિતા.
મારી દિલોર્મીથી નીકળેલા મારા શબ્દો,
એ જ મારી કવિતા.
સંવેદના સભર રહે મારા શબ્દો,
એ જ મારી કવિતા.
સૌના હૈયે વસતા રહે મારા શબ્દો,
એ જ મારી કવિતા.
સ્મરણમાં સરતા રહે મારા શબ્દો,
એ જ મારી કવિતા.
શબ્દે- શબ્દે હું મારામાં ખોવાતી રહું,
એ જ મારી કવિતા.
'તેજબિંદુ' બની લખાય મારા શબ્દો,
એ જ મારી કવિતા.