તો એમાં હું શું કરી શકું ?
તો એમાં હું શું કરી શકું ?
1 min
291
નાસમજી ને નાદાની એ ઉંમર,
એ અણસમજની ઉંમર,
બાળપણના મસ્તીના દિવસો
દોસ્તો સાથે ધીંગામસ્તી.
બે વજહ બે પરવા રખડ્ડપટ્ટી,
કાલની ચિંતા નહી,
વાત વાતમાં બેફિકરાઈ,
તો એમાં શું ?
કહી ખભા ઉલાળી ભાગવું,
માના લાડ દાદીનો દુલાર,
દાદાના ચહીતા.
બાપુનું આ કયારે સમજશે ?
ઘરમાં ચાલતી ધમાચકડી,
શાળાના મિત્રો શિક્ષકોની યાદ.
નદી કાંઠે, વડવાઈની ડાળે હિંચકા,
નદીમાં ધુબાકા, પર્વતનું ચઢાણ,
પ્રકૃતિના ખોળે રાતના,
ખુલ્લા આકાશનું તારા દર્શન.
ને વાત વાતમાં તો એમાં શું ?
કાશ એ દિવસો પાછા મળે,
એ નાદાની, એ બાળપણ જીવવા મળે.
ને કાશ પાછું કહી શકું,
તો એમાં શું ?
સાચે જ
તો એમાં હું શું કરી શકું ?