દાળ માં કાળુ...
દાળ માં કાળુ...
1 min
7.1K
ભાઈ આ દાળમાં ક્યાં કાળું છે?
અહીં તો આખી દાળ જ કાળી છે
જ્યાં તમે જુવો ત્યાં બસ એક જ
અસંતોષની જ તો હૈયા હોળી છે
છે જૂઠની જ જાહોજલાલી બધે
ને ખાલી આ સત્યની ઝોળી છે
ભર વસંતે આ પાનખર કેમ ?
જવાબદાર બાગનો જ માળી છે
નફરતના માથે તો તખ્તોતાજ
ને મહોબ્બતને જ મળી સૂળી છે
ખોટી મહેરબાની ને આ દિલાસા
વળી આ કોને પીઠ થાબડી છે
વકરી ગઈ સમસ્યા તેથીજ વધુ
ચોરને જ પોલીસની હૂંફ મળી છે
શિખરની લાલચમાં ને લોભમાં
જાત મારી ખીણમાં જઈ પડી છે
હું મુસાફર છું 'પરમ' સમંદરનો
ને 'પાગલ'એ રણમાં હાંકી હોડી છે