રાજનીતિ સંબંધમાં ન આણીએ રે!

એક હકિકત આજે આપણે જાણીએ રે

રાજનીતિ સંબંધમાં ના આણીએ રે

દિલની વાતોને દિલથી સૌ માણીએ રે,

વિરોધીઓ હંમેશા વિરોધ કરશે રે

સમર્થકો સમર્થન સદા કરશે રે

વિવાદોને વચ્ચે શા કાજે આણીએ રે?

મતભેદ વિચારોનાં ભલે રાખીએ રે

મનભેદ આપણે શા કાજે રાખીએ રે?

મગ સંબંધનાં ચઢાવીએ પાણીએ રે!

ચાલો નવાં પાઠ સંબંધોના ભણીએ રે

લાગણીઓનું ગણિત પણ ગણીએ રે

ચાલો ભાવનાઓનાં ચણતર ચણીએ રે

રાજનીતિ સંબંધમાં ના આણીએ રે

રાજનીતિ સંબંધમાં ના આણીએ રે