જીવતર ભ્રામક વધારે...
જીવતર ભ્રામક વધારે...
જીવતર ભ્રામક વધારે, છૂટતું હો તો જરા
છોડીને જોવું એ છૂટે છે કે પછી,
એક એ છે, જે ઉગારે, છૂટતું હો તો જરા
છોડીને જોવું, એ છૂટે છે કે પછી.
આમ તો હું છું પ્રવાસી વિશ્વ સાથે ક્યાં મમત
રાખી શકું ને તે છતાં રાખી મમત,
જોવું છે બસ એ જ મારે, છૂટતું હો તો જરા છોડીને જોવું, એ છૂટે છે કે પછી.
રાગ મેં છેડ્યો નથી મલ્હાર તો યે કેમ આ વરસાદ ભીતર ભીંજવે મુજને સતત,
માણવું છોડી વિચારે! છૂટતું હો તો જરા છોડીને જોવું, એ છૂટે છે કે પછી.
કોઈ મારી ભીતરે હરદમ શ્વસે એથી હુંફાળું જીવતર લાગ્યું નહીં તો સો ટકા,
હું ને પ્રજ્ઞા ‘હું’ જ ભારે, છૂટતું હો તો જરા છોડીને જોવું, એ છૂટે છે કે પછી.
કોઈ વિષમ, કોઈ ભિષણ યાતના હો તો જરા ખમવા હજી મક્કમ બને લોકો ભલાં,
તરફડે મુઠ્ઠી જુવારે! છૂટતું હો તો જરા છોડીને જોવું, એ છૂટે છે કે પછી.