નહીં હવે

પ્રતિક્ષાના પળો વિખરાશે નહીં હવે,

જિંદગીની સ્તબ્ધતા જતાવાશે નહીં હવે.

પરસ્પરના સંબંધો કિનારે અનામ રહ્યા ને,

અધરો પર એમના નામ ઘૂંટાશે નહીં હવે.

હાસ્યની છોળો મહેફિલમાં ઉડશે સુરાહીએ;

લાગણીના ક્ષણિક જામ પીવાશે નહીં હવે.

મૌનની ઊની લિપીઓના શાંત ઝરૂખેથી,

ભીની પાંપણે વધુ ફના થવાશે નહીં હવે.

અધૂરી પ્રીતની ગઝલમાં વ્યથાના છાના દર્દો,

મિલનની ગ્રીષી રાતોમાં એ લખાશે નહીં હવે!