Library
યાદ છે!
યાદ છે!
1 min
492
જે પગથિયાં બાળપણમાં હું ચડ્યો'તો યાદ છે!
સંતુલન જેવું ગુમાવી હું પડ્યો'તો યાદ છે!
માતથી છુટ્ટો પડીને એકલો હું ચાલતો,
ઠેસ વાગીને પછી જો હું રડ્યો'તો યાદ છે!
આ યુવાનીનાં ભર્યા જોરે અહીં રહેવા પ્રથમ,
જો બધે આગળ થવાને હું તડયો'તો યાદ છે!
છેતરીને આ જગતને ક્યાં લગી જીવ્યાં કરું!
જ્યારથી મોટો બનીને હું નડ્યો'તો યાદ છે!
વૃદ્ધ બનતાં લાકડી તારા સહારે સ્હેજ તો,
મુજ મહીં આવી મને પણ હું જડ્યો'તો યાદ છે!
