ગામની એ વાસ છે

બાળો ઘસો કૂટો મને આ ગામની એ વાસ છે

માર મહી રમતી હજી આ ગામની એ આશ છે

વાતો કરે એ બૂમ પાડી શાનમાં મીઠું લડે

ઝઘડા કરે ભેગા રહે આ ગામની મીઠાશ છે

અવસર કરે આગણ સદા રૂઠે મનાવે પ્રેમથી

જાતુ કરે દેખી સમય આ ગામની અજવાશ છે

બોલ્યા વચન તોડે નહીં વાતો કરી ફરતો નહીં

માણસ બધા બેજોડ છે, આ ગામની પેદાશ છે.

ખેતર સદા ખુલ્લા હસે, વાડી રહે લીલી સદા

માટી બની માણસ રહે, આ ગામની ભીનાશ છે.

પેટે સદા પાટા અહીં, બાધી મજૂરી જે કરે

મીઠા બધા જીવન મહીં, આ ગામની ખારાશ છે .

એ કામથી ભાગે નહીં, અવસર બનાવે પીડ ને

સુખ દુઃખ મહીં સાથે હસે, આ ગામની ઊજાશ છે.

ભૂલી બધી પીડા સદાએ મોજમાં રમતું રહે

હસતું સદા હોઠે રહે, આ ગામની બાલાશ છે.

કેડી અહીં વાકી નદીની જેમ સાગર ઊછળે.

સેથી ભરી હો સુંદરી, આ ગામની લાલાશ છે.

આગણ હસે તુલસી વસે વૃક્ષો સદા ગાતા રહે,

પંખી દિલે માળા કરે, આ ગામની લીલાશ છે.

આજે ઘરે આવ્યા પડોશી, હાલ જે બાજ્યા હતા,

માગી ક્ષમા ચા,પી કહે, આ ગામની હળવાશ છે.