રામ બોલો ભઈ રામ;
રામ બોલો ભઈ રામ;
1 min
13.3K
પાણીમાં પરપોટો પ્રજળ્યો રામ બોલો ભઈ રામ;
માણસ આખેઆખો સળગ્યો રામ બોલો ભઈ રામ !
એક નથી કારણ એવું કે જેને આગળ ધરીએ;
ઢાળ જરા દેખ્યો ત્યાં ગબડ્યો રામ બોલો ભઈ રામ !
કોણ સલામત અક્ષર આગળ આંખ મળી કે ડૂબ્યો;
એકાદા પગલામાં દદડ્યો રામ બોલો ભઈ રામ !
અઢળક આકર્ષણ એવું કે થાય ભીતરથી મળવું;
મળવા માટે કેવો કગર્યો રામ બોલો ભઈ રામ !
હાથ પડ્યું ના હૈયાં જેવું હાથ વધુંમાં કાળા;
મરમાળું સમજીને ધબક્યો રામ બોલો ભઈ રામ