Quotes New

Audio

Forum

Read

Contests


Write

Sign in
Wohoo!,
Dear user,
વિષાદ
વિષાદ
★★★★★

© Hanif Sahil

Classics Inspirational Tragedy

1 Minutes   13.4K    5


Content Ranking

આંખોની સાથે જાગ્યો આ અંધકાર પણ,

બોઝલ આ રાત વીતી ને આવી સવાર પણ.

આ ઘર, દીવાલ, બારી, મેજ ને આ આઈનો,

એના સ્મરણના હોય છે કેવા પ્રકાર પણ.

પાછો વળી વળીને ગલીમાં જઈ ચડ્યો,

મનને મનાવતો જ રહ્યો સો સો વાર પણ.

એની સભાના તોર તરીકા જુદા જ છે,

આપે જો નિમંત્રણ, ના મળે આવકાર પણ.

ઠંડુ પડી રહ્યું છે બદન, શ્વાસ મંદ મંદ,

આવી ન કોઈ રાસ દવા, સારવાર પણ.

પગરવની સાથે કેમ આ ધડકી રહ્યું હૃદય,

મુજને તો કોઈનોય નથી ઇતેન્ઝાર પણ.

કાગળ ઉપર વિખેરી હ્રદયના વિષાદને,

એની જ લખો વાત ને એના વિચાર પણ.

મુજને મળી છે પ્રેમની સાથે જ પ્રતિષ્ઠા,

સાથે મળ્યા છે શીશ પર ચાંદીના તાર પણ.

ઊતરી રહી છે સાંજ ધૂંધલકાની જેમ ને,

આંખોથી દૂર થઇ એ વિહંગની કતાર પણ.

પર્વત, નદી, ઝરણા અને વાતો સમીર આ-

આ ઘરની કેદથી તો ઘણું છે બહાર પણ.

બેસી રહેશો ક્યાં સુધી એના વિષાદમાં,

ચાલો હનીફ કોઈ કરો કારોબાર પણ.

વિષાદ હનિફ ગઝલ

Rate the content


Originality
Flow
Language
Cover design

Comments

Post

Some text some message..