ઝાડવાંનું જીવતર
ઝાડવાંનું જીવતર
ઝાડવાંનું જીવતર જગતથી ન્યારું,
જીવન જીવતાં જે બીજાના સારુ.
ઉનાળે છાંયડો શીતળ કેવો આપે !
રક્ષતાં તરુવર ગ્રીષ્મ તણા સંતાપે.
આશરો પથિકને સદાય આપનારું,
ઝાડવાંનું જીવતર જગતથી ન્યારું.
લાવે આભેથી વર્ષાને એ બોલાવી,
દેતાં ધરા તણાં ધોવાણને અટકાવી.
હરિયાળીથી પ્રદૂષણને જે ટાળનારું,
ઝાડવાંનું જીવતર જગતથી ન્યારું.
વનૌષધિની ભેટ થકી રોગો હરનારું,
પ્રાણ પ્રત્યેકમાં પ્રતિપહોરે પૂરનારું.
હોય જે અંગાર આક્રમણ રોકનારું,
ઝાડવાંનું જીવતર જગતથી ન્યારું.