બોલવું

એક; બે ને ત્રણ કહો કે દોડવું;

આવડે ના કંઈ જ પણ લો; બોલવું !

વિઘ્નદોડો કંઈ લગાવી કેમ કે

આગવું પ્રત્યેક પગલે ખોળવું !

ભાવ સાથે શબ્દને સંબંધ છે;

સાંભળી એવું કશું ના જોખવું !

ક્યાં સરળ સંદર્ભ પણ પકડાય કે

મોતી જાણી કેમ એને પરોવવું ?

હાર ફૂલોનો તરત કરમાય ત્યાં

હાર- પુરસ્કાર અર્થે ક્યાં જવું !

કોઈ આપણને કહે બિકાઉં છે

એટલાં સસ્તા ય મિત્રો ના થવું !

નીર ઊંડે ઊતર્યાં એ પણ ખરું

-તો જરી ઊંડે જઈને શોધવું !