મમતાનું કાવ્ય
મમતાનું કાવ્ય
1 min
158
લખવામાં, બોલવામાં ભલે નાનું કાવ્ય છે,
'મા' શબ્દ આખી સૃષ્ટિની મમતાનું કાવ્ય છે.
લય, છંદ, પ્રાસ એમાં બધું જાતે આવી જાય,
હાલરડું 'મા'નું નોખી જ શ્રદ્ધાનું કાવ્ય છે.
આસ્વાદ કે ન કોઈ અનુવાદ એનો થાય,
માતાનું વ્હાલ આગવી ભાષાનું કાવ્ય છે.
બાળકના આખા જીવનમાં પાથરે પ્રકાશ,
'મા'ની બે આંખ ચાંદ સિતારાનું કાવ્ય છે.
સરખી જ ભાષા રાખે છે દુઃખમાં કે સુખમાં,
બંને પ્રસંગે આંસુઓ એ 'મા'નું કાવ્ય છે.