Library
ચાંદાને ઘેર જાઉં ?
ચાંદાને ઘેર જાઉં ?
1 min
273
મમ્મી, આ ચાંદો મને કયા ફ્લોર પરથી રોજ નિહાળે ?
હું રહું છું ગ્રાઉન્ડ-ફલોર ને એ સાતમે માળે !
આજે મારે આ ચાંદાને દેવી છે મોટી ગિફ્ટ !
લાવ ચાંદાને ઘેર જવા હું વાપરુ આ લિફ્ટ !
ચાંદાને પકડવા મારે ચડવું કયાં ઝાડની ડાળે ?
મમ્મી, આ ચાંદો મને કયા ફ્લોર પરથી રોજ નિહાળે ?
લાવને આજે પેલા અંકલજીની સીડી લઈ લઉં !
સીડી પર ચડી આજ નટખટિયા ચાંદાને અડી લઉં !
ચાંદલિયો તો દૂર તારાઓ સાથે ભણે નિશાળે !
મમ્મી, આ ચાંદો મને કયા ફ્લોર પરથી રોજ નિહાળે ?
