Himal Pandya

Others


Himal Pandya

Others


ઓગળવાનું

ઓગળવાનું

1 min 13.3K 1 min 13.3K

બસ, ઊગવાનું ને ઢળવાનું!
આપણે અંતે ઓગળવાનું!
 
તમે કહો છો ઝળહળ જેને;
એ તો છે કેવળ બળવાનું!
 
ઈચ્છાનો જો વેશ લીધો ત્યાં,
ભાગે આવ્યું ટળવળવાનું!
 
સુખની રોટી અેક ન પામો;
જીવતર ઓરીને દળવાનું!
 
એ ઈશ્વરની વાત જવા દો;
એને ફાવે છે છળવાનું!
 
મોડું મોડું, પણ શીખી ગ્યા;
ભૂલી જાવાનું, ગળવાનું!
 
શ્વાસના ધણને બુચકારી લ્યો!
ટાણું છે પાછા વળવાનું!


Rate this content
Originality
Flow
Language
Cover Design